ភាសាអង់គ្លេស
របាយការណ៍ប្រចាំឆ្នាំ២០២៤ របស់រដ្ឋាករទឹកស្វយ័តក្រុងភ្នំពេញ
ក្នុងឆ្នំា២០២៤ រដ្ឋាករទឹកស្វយ័តក្រុងភ្នំពេញ (រ.ទ.ស.ភ) មានចំណូលសរុបចំនួន ៣៤៧.៦៩៧.៧៧៨.០០០រៀល កើនឡើងជាងឆ្នំា២០២៣ ចំនួន ១៤.២៨៨.៩៤៨.០០០រៀល ឬ ៤,២៩% និងចំណេញសុទ្ធក្នុងការិយបរិច្ឆេទសរុបចំនួន ៨៥.០៤២.៩១៣.០០០រៀល កើនឡើងចំនួន ១២.៣៩៥.៣៤១.០០០រៀល ឬ ១៧,០៦% បើធៀបនឹងឆ្នំា២០២៣។ នាថ្ងៃទី៣១ ខែធ្នូ ឆ្នំា២០២៤ នេះដែរ ទ្រព្យសកម្មសរុបរបស់ រ.ទ.ស.ភ មានចំនួន ៣.២៧៩.១៦៥.២៨១.០០០រៀល កើនឡើងចំនួន ២៤០.៨០០.១០៤.០០០រៀល ឬ ៧,៩៣% និងមូលធនសរុបមានចំនួន ១.៣៦៥.០៧២.៦១៣.០០០រៀល កើនឡើងចំនួន ៨០.៤៧៦.៨២២.០០០រៀល ឬ ៦,២៦%។
អនុបាតហិរញ្ញវត្ថុសម្រាប់ឆ្នាំ២០២៤ មានដូចខាងក្រោម៖
| ១. អនុបាតសន្ទនីយភាព | ||
| ១.១ | អនុបាតចរន្ត | 0,៣៨ ដង |
| ១.២ | អនុបាតចរន្តលឿន | ០,១៨ ដង |
| ២. អនុបាតចំណេញភាព | ||
| ២.១ | អនុបាតចំណេញធៀបនឹងទ្រព្យសកម្ម | ២,៦៩ % |
| ២.២ | អនុបាតចំណេញធៀបនឹងមូលធន | ៦,៤២ % |
| ២.៣ | អនុបាតគម្លាតចំណេញដុល | ២៥,៦០ % |
| ២.៤ | អនុបាតគម្លាតចំណេញភាព | ២៤,៤៦ % |
| ២.៥ | ចំណេញក្នុងមួយឯកតាមូលបត្រកម្មសិទ្ធិ | ៩៧៧,៨១ រៀល |
| ៣. អនុបាតលទ្ធភាពសងការប្រាក់ | ២,២៨ ដង | |
សម្រាប់ឆ្នាំ២០២៥ រ.ទ.ស.ភ គ្រោងផលិតទឹកស្អាត ៣១៧.០៥០.០០០ម៣ តបណ្តាញជូនអតិថិជនចំនួន ៣០.០០០បណ្តាញ និងលក់ទឹកឱ្យបានចំនួន ២៥៣.៦៣៩.៨០០ម៣ ព្រមទាំងគ្រោងរកចំណូលសរុបឱ្យបានចំនួន ៤៣០.៧០៥.៨៣១.០០០រៀល និងគ្រោងចំណាយសរុបចំនួន ៣២៩.២១៣.៤៧៩.០០០រៀល។
